Пакистанската полиција соопшти дека во напад со автомобил бомба на прометно место во близина на полициска станица во Пешавар се убиени најмалку 31 лице.
Бомбата била поставена во паркиран автомобил и активирана од далечина. Градската болница „Лејди Ридинг“ соопшти дека меѓу загинатите има шест деца и жени, како и дека 70 луѓе се повредени.
Полициската станица се наоѓа во непосредна близина на христијанската црква „Сите Светци“, што беше цел на самоубиствен напад минатиот викенд во кој загинаа 85 лица.