Најмалку 19 лица загинаа, а 28 други се ранети денеска при бомбашки напад во близина на две џамии во северозападен Пакистан, соопшти полицијата.
Бомбата експлодирала кога верниците излегувале од џамиите во градот Хангу по петочната молитва. Една џамија била сунитска, а другата шиитска.
Двете верски заедници често влегуваат во меѓусебни судири во регионот.
Градот Хангу се наоѓа во близина на племенските региони долж границата со Авганистан, кои се упориште на талибанците и Ал Каеда.
Досега се уште никој не презеде одговорност за нападот.