Најмалку 18 Сомалијци се удавија, откако нивниот брод потонал.
Труповите на удавените мигранти испливале во близина на градот Босасо, во отцепениот сомалиски регион Пунтленд, пренесоа агенциите, повикувајќи се на претставничка на локалните власти.
Според неа, бодчето што превезувало нелегални сомалиски мигранти, се превртело.
Веројатно бројот на загинати ќе се покаже поголем.
-Меѓу мртвите има 10 жени, седум мажи и бебе. Откривме и петмина преживеани, рече цитираниот извор.
Според локални жители, бродчето превезувало околу 80 патници.
Африканските мигранти често користат неисправни пловни објекти за да стигнат до Јемен, што се смета за излезна база кон побогатите места на Блискиот исток и на Запад.
Стотици мигранти досега исчезнале во морето, посочуваат британските медиуми.