Најмалку 17 лица загинаа денеска при напад на американскo беспилотно летало во северозападниот дел на Пакистан, соопштија локалните безбедносни сили.
Две ракети погодиле куќа во близина на главниот пазар во Мираншах, главниот град на племенската област Северен Вазиристан, во близина на границата со Авганистан.
Ова е најсмртоносниот напад на американско беспилотно летало во Пакистан од почетокот на годинава и второ, откако Наваз Шараф стана повторно премиер на земјата минатиот месец.
Шараф повика на итен прекин на ваквите напади, истакнувајќи дека тие го нарушуваат пакистанскиот национален суверенитет.
Во истот овој дел од земјата, на околу 25 километри југозападно од Пешевар, рано изутринава шестмина полицајци беа убиени, а други седум повредени при напад на екстремисти врз полициска станица. Во неколку часовната престрелка, исто така, загинале и дел од напаѓачите.