Бројот на жртвите од бродоломот на јужнокорејскиот ферибот е над 190, јавија јужнокорејски медиуми.
Спасувачките тимови успеаја да извлечат денеска тела на четири лица со што бројот на загинати е 193. За исчезнати се сметаат 109 луѓе.
Оперативниот штаб на Владата вчера соопшти дека спасувачките акции на местото на несреќата на фериботот се отежнати заради неповолни временски прилики.
Најголемиот патнички ферибот во Јужна Кореја со носивост од 6825 тони потона на 16 април крај југозападниот брег на Корејскиот полуостров. На бродот имаше 476 патници и членови на екипажот, од кои 325 ученици од јужнокорејскиот град Ансан. Спасени беа 174 луѓе меѓу кои и капетанот и голем дел од екипажот.