Москва и Вашингтон започнаа преговори за регулација на оружјето во Вселената

Од:

Американски и руски официјални претставници денеска почнаа разговори за безбедноста во вселената, откако Вашингтон и Лондон минатата недела ја обвинија Москва за тестирање на антисателитско оружје.

По еднодневниот дијалог во Виена, кој беше планиран со месеци, ќе следуваат тридневни разговори меѓу двете земји за контрола на нуклеарното оружје.

Американскиот помошник државен секретар за меѓународна безбедност Кристофер Форд во петокот ги обвини Москва и Пекинг дека тие вселената веќе ја претвориле „во театар на воени операции“.

Според него, Вашингтон предлага правила за одговорно однесување во вселената, кои треба да го следат моделот на постојните правила за водење војна и кои треба да се засноваат на принципот на пропорционалност и хуманост.

Русија и Кина ја поддржуваат алтернативна иницијатива за склучување меѓународен договор за забрана на вселенско оружје.

Форд рече дека САД се против иницијативата затоа што таа ќе направи нелегални некои специфични системи за оружје, што е тешко да се дефинираат, наместо да се утврди кои дејства во отворената вселена се дозволени, а кои не.

Според американската вселенска команда, во средината на јули Русија тестирала против-сателитско оружје во подвиг сличен на друг тест спроведен во 2017 година.

Москва ги негираше обвинувањата.

Би можело да ве интересира

Поранешна советничка на Пенс тврди дека Трамп воопшто не се грижел за пандемијата

Ана Ололовска

Анкета/САД: Речиси половина Американци нема да примат вакцина против Ковид-19

Ана Ололовска

ВИДЕО: Седум починати и 177 заразени со Ковид-19 по свадба во американската држава Мејн

Ана Ололовска

ВИДЕО: Москва погодена од ураган

Ана Ололовска

Волстрит Журнал: Канцелариите во САД се полупразни, шест месеци по почетокот на пандемијата

А1он

Висок претставник на Стејт департментот во посета на Тајпеј

Ана Ололовска