Могерини повика за помирување на Блискиот исток

Од:

Високата претставничка на ЕУ за надворешна политика и безбедност Федерика Могерини повика денеска за помирување на Блискиот Исток по децении на несигурност, судири и војни. Таа упати апел на првата средба на министрите за надворешни работи на земјите од ЕУ и од Арапската лига во Брисел.

-Никогаш досега соработката не ни била толку важна и потребна, посочи Могерини.

Таа истакна дека патот кон помирување во регионот е тежок поради настаните од изминатите десетина години.

-Апелираме за мир – тоа е во заеднички интерес, за да постигнеме трајна безбедност и економски раст. Мирот е некомпатибилен со логиката на конфронтација меѓу регионалните сили, додаде Могерини.

– Очигледно е дека имаме заеднички интерес – да откриваме нови работни места, нови можности за учење, да се спротивставуваме на радикализацијата и тероризмот.

Могерини изрази стравување дека денес постои повторно можност за продлабочување на конфликтот меѓу Израел и Палестина.

-Во заеднички интерес е да ја спасиме идејата за две држави, имаме потреба од соработка помеѓу европските и арапските земји, изјави таа.

Би можело да ве интересира

Димиров во Атина на средби со Дендиас и Варвициотис

Ана Ололовска

ЕУ ја презема водечката улога во промоција и заштита на демократијата ширум светот

Ана Ололовска

Борел: Брисел ја застапува опцијата за постепено интегрирање на земјите од Западен Балкан во Унијата

Ана Ололовска

Борел: ЕУ го осудува насилството во Белорусија и ќе воведе санкции

Албанија добива 180 милиони евра од ЕУ како помош за справување со епидемијата

А1он

Средба Димитров – Галовеј: Лондон останува посветен на поддршка на реформска агенда на земјава

Ана Ололовска