Шефовите на дипломатии на државите членки на Европската унија ќе се соберат утре на дводневна седница во Луксембург, а главна тема ќе бидат односите со Украина и со Русија.
Од Брисел е најавено дека за време на првиот ден од состанокот на министерскиот совет во разговорите ќе учествува новоизбраниот министер за надворешни работи на Украина Павло Климкин кој ќе ги информира европските колеги за развојот на случувањата во таа држава.
ЕУ завчера го поддржа планот на украинскиот претседател Порошенко за прекин на огнот, но проруските сили на југоисток во Украина го отфрлија.
Дипломатски извори велат дека засега не се во план нови европски санкции спрема Русија. Порошенко в петок на 27 јуни конечно ќе го потпише трговскиот договор со ЕУ за врем на самитот на европски лидери во Брисел. Покрај Украина и Русија, се очекува министрите да разговараат и за ситуацијата во Ирак и Сирија.