Германската канцеларка Ангела Меркел нема да присуствува на свечената церемонија во Москва, на 9-ти мај, по повод одбележување на Денот на победата над фашизмот.
-Поради развојот на случувањата во Украина, невозможно е Меркел да присуствува на традиционалната воена парада на Црвениот плоштад во Москва-наведе анонимен извор од германската влада.
Како што пренесе агенцијата „Ројтерс,“ канцеларката ќе положи венец на споменикот наНепознат јунак во Москва, еден ден подоцна.
ЕУ и САД ја обвинуваат Русија дека ги вооружува про-руските сили на исток на Украина и дека ги зајакнува нивните редови со руски војници.
Е. Г.