Германија нема да доставува оружје за Украина. Ние сме за дипломатско решавање на конфликтот меѓу Киев и сепаратистите, изјави денеска во Будимпешта германскиот канцелар Ангела Меркел.
Таа се наоѓа во петчасовна посета на Унгарија. За неколку недели кај деснопопулистичкиот премиер Виктор Орбан ќе биде и рускиот претседател Владимир Путин.
Германски медиуми јавуваат дека тие термини имаат симболика во унгарското „одење по жица“ меѓу Истокот и Западот.