„Првите резултати од изборите во Америка и вчерашниот ‘хистеричен’ ултиматум на украинскиот зелен лидер во зелена валкана кошула потврдуваат дека светот на кој е навикнат ‘дедо Бајден’ исчезнува и дека поддршката за курсот на Вашингтон се намалува“, напиша Медведев на неговиот канал „Телеграм“.
Медведев оценува дека играњето на картата на Володимир Зеленски од Вашингтон било погрешно.
„Потпирањето на овој арамбаша беше голема грешка“, истакнува Медведев.
Како што пренесуваат руските медиуми, Медведев заклучува дека „некои арогантни земји и нивните миленици и го свртеле грбот на Русија.
Со затворање на избирачките места на Алјаска заврши гласањето за изборите за американскиот Конгрес. Засега во трката за Конгресот водат републиканците, додека неизвесен е исходот од битката за мнозинство во Сенатот, пренесуваат светските медиуми.