Русија се бори против „светот што умира“ за својата света земја и луѓето што живеат на неа, а нејзиното оружје е вистината, објави заменик-претседателот на Советот за безбедност на Руската Федерација Дмитриј Медведев по повод Денот на националното единство што денеска се слави во Русија.
„За што се бориме? Руската Федерација е богата и огромна земја. На Русија не и требаат странски територии, сè имаме во изобилство“, напиша Медведев во текстот со наслов „Зошто нашата борба е исправна“. Тој ја нарече руската земја света за Русите, „на неа живееле нашите предци“, а сега „нашиот народ живее на неа“.
Медведев пишува дека Русија „нема никому да ја предаде својата земја“. „Ние го штитиме нашиот народ, се бориме за своето, за државата, за илјадагодишната историја. Тој нагласи дека Русија „се бори против оние кои ја мразат, кои забрануваат јазик, вредности и религија, влеваат омраза кон историјата на татковината“.
„Светата руска цел е да се запре господарот на пеколот, ќе ни се придружат и другите“, рече тој.
Според Медведев, дел од светот на умирање се и куп луди нацисти зависници од дрога, луѓе заплашени и дрогирани од нив, како и кучиња што лаат од западната одгледувачница и други претставници на пропаднатата западна империја.
„Тие немаат идеали и вера, освен безобразните навики што самите ги измислија и двоумните стандарди што ги наметнуваат, негирајќи го моралот на нормалните луѓе. Со застанувањето против нив, добивме света моќ“, продолжува Медведев.