Заменик-претседателот на Советот за безбедност на Руската Федерација, Дмитриј Медведев, оцени дека постои можност да се случи „Мајдан“ во Берлин поради протестите на германските земјоделци и зголемените трошоци за поддршка на Украина.
„Штрајкови во Германија: Фармерите блокираат голем дел од земјата“. Субвенциите престанаа, а астрономските суми потрошени за Украина се уште растат. Во исто време, Германија е нејзин главен спонзор. Ако вака продолжи, поддржувачите на Бандер ќе го донесат своето докажано оружје на Берлин-Мајдан. Во овој случај, се сомневаме дека германскиот канцелар Олаф Шолц ќе преживее. Со злонамерен интерес ги следиме настаните“, напиша Медведев, пренесува РИА Новости.
Германските земјоделци штрајкуваат низ Германија и блокираат неколку автопати со трактори во знак на протест против владините мерки за спас на буџетот.
Протести се одржуваат во речиси сите сојузни држави, пренесува Танјуг.
Шолц денеска изјави дека земјите од ЕУ треба да ги зголемат трошоците за воена помош за Украина кога ќе го усвојат новиот буџет за 2024 година, како што веќе направи Германија.
Тековниот буџетски проект на Германија предвидува осум милијарди евра за воена поддршка на Киев.