Провинцијата Манитоба во западна Канада прогласи вонредна состојба поради големи шумски пожари, а на повеќе од 17.000 луѓе им е наредено да се евакуираат, соопштија властите.
Премиерот на Манитоба, Ваб Кину, изјави дека ова е најголемата евакуација во модерната историја на покраината и дека побарал помош од федералните власти и канадската војска за преместување на луѓето и борба против пожарите, пишува The Guardian.
„За прв пат имаме пожари во сите региони. Ова е знак за климатски промени на кои ќе мора да се прилагодиме“, предупреди премиерот.