Еден маж се самозапали и почина во Мароко, протестирајќи на тој начин поради одбивањето на властите да му издадат документи кои му биле потребни за грижа на неговата болна сопруга, соопшти локална невладина организација.
Педесетгодишниот Абделкадер ал Атави, татко на пет деца, се полеал со бензин и изгорел пред општинската зграда на градот Себаа Ајун на 15 километри југоисточно од градот Мекнес.
Во последните години во Мароко се извршени неколку случаи на самозапалување. Минатиот месец еден трговец почина по самозапалување во Маракеш во знак на протест поради конфискување на неговата стока од страна на властите.