Пакистанската активистка за правото на жената на образование Малала Јусуфза во интервју за Би-Би-Си изјави дека „најдобар начин за решавање на проблемите и да се спротиставиме на војната е дијалогот“.
Малала во октомври минатата година беше ранета во глава додека одеше на училиште. Таа денес живее во Бирмингем, централна Англија и за многумина е една од фаворитите за овогодинешната награда за мир.
Таа претходно изјави дека сака да се врати во Пакистан и да се занимава со политика.