Францускиот претседател Емануел Макрон, говорејќи во Белата куќа во Вашингтон за време на средбата со американскиот претседател Доналд Трамп, денеска изјави дека целта на Франција е да изгради цврст, траен мир во Украина.
Макрон додаде дека Европа е подготвена да ги засили напорите за да биде посилен партнер и да направи повеќе на полето на одбраната, објави Ројтерс.
Макрон рече дека некои европски земји ќе бидат подготвени да имаат мировни сили во Украина како гаранција за безбедноста по потпишувањето на мировниот договор, иако тие нема да бидат испратени на линијата на фронтот.