Венецуелскиот претседател Николас Мадуро во понеделник изјави дека неговата земја ќе распореди воени, полициски и сили за цивилна одбрана на 284 „бојни полиња“ низ целата земја.
„Подготвени сме за вооружена борба, доколку е потребно. По должината на сите брегови на Венецуела, од границата со Колумбија до истокот на земјата, од север кон југ и од исток кон запад, имаме целосна подготовка на официјални трупи“, рече Мадуро во Сиудад Карибе, во близина на главниот град Каракас, за време на обраќањето на државната телевизија, каде што беше придружуван од неговиот министер за одбрана.
САД го зголемија своето воено присуство во јужниот дел на Карибите, како дел од операцијата што ја нарекоа акција против трговците со дрога, и наредија распоредување на 10 борбени авиони Ф-35 на аеродром во Порторико, објави Ројтерс.