Пратениците во либанскиот Парламент денеска не успеаја по 27-ми пат да изберат претседател на републиката поради недостиг на кворум. Бројот на пратениците беше недоволен за гласање и претседателот на Парламентот Набих Бери по 27-ми пат го одложи изборот на претседател.
На пратениците им беше предложено да се соберат на 2 септември.
Највисоката државна функција во Либан е слободна, откако на 25 мај минатата година Мишел Слејман, го ослободи претседателскиот дворец во Баабда.
Според конфесионалното уредување на Либан, функцијата шеф на државата по традиција се зазема од претставник на заедницата на маронитите, кои се мнозинство меѓу локалните христијани.