Унгарија нема да ги прими мигрантите кои дел од западните земји сакаат да ги вратат во Унгарија, изјави Јанош Лазар, шефот на кабинетот на унгарскиот премиер Виктор Орбан.
Лазар истакна дека Унгарија ќе ги прими само мигрантите кои на територијата на ЕУ влегле преку Унгарија.
– Данска, Шведска, Финска, Исланд и Норвешка сакаат да испратат „десетици илјади“ мигранти во Унгарија, оние кои во Унијата влегле преку некои други членки, нагласи Лазар.
Тој додаде дека не е фер ако Унгарија а „не богатите скандинавски земји“ мора да ги прими тие луѓе.