Рускиот министер за надворешни работи Сергеј Лавров денеска изјави дека е изненаден што светот вчерашниот телефонски разговор меѓу рускиот претседател Владимир Путин и американскиот претседател Доналд Трамп го смета за „невообичаен“.
Лавров рече дека разговорот, во кој Трамп и Путин разговарале за завршување на војната во Украина, бил „нормален, елементарен разговор меѓу двајца образовани и учтиви луѓе“.
„Бев изненаден од фактот дека целиот свет сега е во еден вид ступор и смета дека телефонскиот разговор што се одржа и извештајот за овој телефонски разговор се нешто необично“, рече Лавров по разговорот со таџикистанскиот министер за надворешни работи Сироџидин Мухридин, пренесува РИА Новости.