Куба се подготвува за можен воен напад од страна на САД, изјави претседателот Мигел Дијаз-Канел, по изјавите на американскиот претседател Доналд Трамп, кои во јавноста беа широко протолкувани како закана.
HEWITT: Will you order military force to free Cuba?
TRUMP: I want to get Cuba done before I leave, yeah https://t.co/ApdFutnbog
— Aaron Rupar (@atrupar) November 12, 2026
„Решени сме да одбиеме секаков обид за странска воена агресија врз нашата земја“, рече Дијаз-Канел.
Сепак, тој нагласи дека Куба е мирољубива нација и не претставува закана за националната безбедност на САД.
На прашањето од радио-водителот Хју Хјуит во четвртокот дали би размислил за воена интервенција за „ослободување“ на Куба, Трамп одговори: „Сакам да ја средам ситуацијата во Куба пред да си заминам“.
„Многу внимателно ја следиме состојбата. Таа е во многу лоша состојба. Во суштина, тоа е пропаднато место – нација, или како и да сакате да го наречете“, рече Трамп.
Претседателскиот мандат на Трамп завршува во јануари 2029 година.
Дијаз-Канел ги критикуваше зачестените изјави на американските политичари во врска со можна воена акција против Куба, иако не го спомна Трамп по име.
Кубанскиот лидер ги даде овие изјави за време на настан по повод Денот на националната одбрана во Бојерос, јужно од Хавана, на кој присуствуваа високи воени офицери, членови на Комунистичката партија и локални функционери.
Куба редовно спроведува воени вежби и состаноци за координација на одбраната уште од јануари, кога во Венецуела се одвиваше воена операција на САД, која резултираше со апсење на авторитарниот претседател Николас Мадуро и негово префрлање во Соединетите Држави. Војниците, исто така, спроведуваат основна воена обука за цивили, како дел од кубанската одбранбена стратегија позната како „Војна на целиот народ“.
Трамп во повеќе наврати ја спомнуваше можноста за воена интервенција на САД во Куба.
Во октомври, пред изборите на средината на мандатот во САД, тој сугерираше дека американските воени бродови, кои би се враќале од војна со Иран, би можеле да пловат кон Куба и да останат крај нејзиниот брег.
Тој изјави дека кубанските лидери тогаш би се предале.