Мировните преговори меѓу Киев и проруските сепаратисти, што денеска се оддржаа во Минск, завршија без каков и да било договор, изјави пратеникот на украинската Влада, поранешниот украински претседател Леонид Кучма, цитиран од француските медиуми.
Кучма за тоа ги обвини бунтовниците, кои, според него, ги саботирале разговорите.
-Консултациите во Минск не успеаја, рече Кучма, објаснувајќи дека шефовите на сепаратистичките републики одбиле да ги разгледаат мерките за итно запирање на огнот и повлекување на тешкото оружје.
-Украинската страна не прифаќа ултиматуми, додаде тој.
Преговорите на Контакт групата, во која се вклучени Кучма, претаставници на Москва, ОБСЕ и бунтовниците, траеја приближно
четири часа.