Одборот за правда при Претставничкиот дом синоќа даде краен рок до кога претседателот Доналд Трамп може да информира дали ќе испрати свој адвокатски тим во постапката за можен импичмент.
Во писмо на две страници испратено до Трамп, се наведува дека претседателот треба да ги извести конгресмените најдоцна до 17 часот в петок, 6 декември 2019 година. Дотогаш тој треба кај својот правен советник да поднесе материјални докази, вклучително и сведоци, кои присуствувале на телефонскиот разговор на Трамп со украинскиот претседател Володимир Зеленски.
Идната недела Одборот за правда треба да почне со разгледување на заклучоците од истрагата за отповикување на американскиот претседател за да се реши прашањето за можно предлагање на предметот за импичмент на гласање во долниот дом на Конгресот.