Поранешниот американски претседател и кандидат на Републиканската партија за претстојните претседателски избори во САД, Доналд Трамп, изјави денеска дека многу од заложниците киднапирани од членовите на палестинската милитантна група Хамас во нападот врз јужен Израел во октомври „веќе не се меѓу живите“.
За време на предизборниот митинг во Бронкс, тој зборуваше за меѓународни прашања, а кога станува збор за војната во Газа, тој рече дека „знаел дека многумина нема да се вратат“ кога видел видео снимки како се однесувале со заложниците за време на Напад на Хамас, пренесува The Times of Israel.
„Меѓу вас гледам многу знамиња на Израел. Тоа е страшна работа, но морам да кажам, верувам дека многу од заложниците што ги чекате и сите ги чекаат, многу од нив се мртви. Некои ќе бидат живи, но многумина се мртви“, рече Трамп, додавајќи дека ништо од ова немаше да се случи доколку претходните претседателски избори, на кои тој загуби од актуелниот претседател на Америка, Џозеф Бајден, не беа „украдени“.
Тој зборуваше и за лидерските способности на Бајден, наведувајќи дека лидерите на Кина, Русија, Унгарија и Северна Кореја ја извршуваат својата работа „на највисоко ниво“, за разлика од Бајден. Трамп најави и дека доколку биде избран за втор претседателски мандат на изборите на 5 ноември, ќе ја стави Америка во позиција каде што „светот повторно ќе ги почитува“.