Пет лица загинаа, а околу 20 се повредени во торнадото што во вторникот го погоди градот Гринфилд во американската сојузна држава Ајова.
Одделот за јавна безбедност во Гринфилд, град со околу 2.000 жители, соопшти дека бројот на повредени лица е дури и поголем од моментално познатото, пренесува АП.
Националната метеоролошка служба го оцени торнадото на EF-3, што значи дека брзината на ветерот била помеѓу 145 и 160 милји на час.
Спасувачките екипи продолжуваат со потрагата по преживеани.
Болница беше меѓу оштетените згради во Гринфилд, принудувајќи ги властите да изградат импровизирана болница во шума или да ги испратат повредените во медицински центри на други места.
Гувернерот на Ајова, Ким Рејнолдс, прогласи итна природна катастрофа во 15 окрузи.