Во рускиот државен врв дошло до онфликт. Член на потесното опкружување на Владимир Путин директно се судрил со рускиот претседател поради грешките и пропустите во војната во Украина, пишува Вашингтон пост, повикувајќи се на американските разузнавачки служби.
Поединецот, кого Пост не го именува, наводно му изразил загриженост на Путин за лошото водење на војната и грешките направени од руските воени лидери.
„Од почетокот на окупацијата, сведоци сме на зголемена тревога кај многу од внатрешните кругови на Путин. Нашите проценки сугерираат дека тие се особено поттикнати од неодамнешните руски загуби, погрешната насока на војната и големите воени недостатоци“, изјавил анонимен разузнавачки извор за Вашингтон Пост.
Друг висок функционер рекол дека многумина околу Путин веруваат дека војната не оди во вистинската насока.
„Има многу луѓе кои се убедени дека ова не оди добро или дека ова не е вистинскиот пат“, вели изворот.
Портпаролот на Кремљ, Дмитриј Песков, призна дека има несогласувања за војната, но додаде дека „сето тоа е дел од нормалниот работен процес“.
„Ова не е знак за некаков раскол“, рече Песков.