Комеморативен собир за Фидел Кастро во Хавана

Од:

Десетици илјади Кубанци, како и високи гости од странство, се собраа синоќа на Плоштадот на Револуцијата во Хавана, за да му одадат почит на починатот кубански лидер Фидел Кастро.

dobivaj vesti na viber

Кастро почина во петокот вечерта по локално време на 90-годишна возраст. Поради болест и нарушено здравје, тој во 2008 година се повлече од сите функции и власта му ја предаде на својот пет години помлад брат Раул Кастро.

Комеморацијата почна со интонирање на кубанската химна, а потоа за Кастро зборуваа некои од странските гости.

Најголемиот број од нив се левичарски претседатели од земјите на Латинска Америка, како и од други делови од светот, но беше забележливо отсуството на западни политички лидери.

Земјите од Западот на комеморацијата во Хавана беа претставени на пониско ниво.

САД, кои пред две години ги обновија односите со Куба, по прекин од половина век, беа претставни од номинираниот амбасадор во Хавана и од помошникот на советникот за национална безбедност.

Почесно место на церемонијата имаа лидерите на Венецуела, Боливија и Еквадор – Николас Мадуро, Ево Моралес и Рафаел Кореа, кои го придружуваа кубанскиот претседател Раул Кастро, а заедно со нив беа и претседателите на Мексико и на Панама.

На комеморацијата, зборуваа Мадуро, јужноафриканскиот претседател Џејкоб Зума, претседателот на Зимбабве, 92-годишниот Роберт Мугабе, како и грчкиот премиер Алексис Ципрас.

Според кубанските медиуми, урната со пепелата на Кастро, која досега се наиѓаше во Минстерството за одбрана во Хавана, од денеска ќе тргне на пат низ Куба кон градот Сантјаго де Куба на југоисток од замјата, каде во недела ќе биде погребан неговите посмртни останки.

Погребот ќе се изврши на гробиштата на кои е закопан и кубанскиот херој од борбата за независност, Хозе Марти.

Би можело да ве интересира

САД најавиja ублажување на политиката кон Куба

Ана Ололовска

„Хабанос С.А.“ со рекордна продажба на цигари и пури во 2021 година

Ана Ололовска

Бројот на жртви во експлозијата во луксузниот хотел во Хавана достигна 40

Ана Ололовска

ВИДЕО: Најмалку 22 жртви при експлозијата во хотелот во Хавана

Ана Ололовска

Најмалку осум загинати и 30 повредени во експлозијата во хотелот „Саратога“ во центарот на Хавана

А1он

Најмалку четири жртви во експлозија во хотел во центарот на Хавана

А1он