Лидерите на Русија, Украина, Германија и Франција денеска ќе се сретнат во Минск за да разговараат за решавање на украинската криза.
Според изјави на дипломатски извори, разговорите пред се ќе бидат насочени на повлекување на тешкото вооружување, создавање демилитаризирана зона на исток на Украина и започнување диајлог помеѓу Украина и проруските сили.
Состанокот на кој ќе присуствуваат Владимир Путин, Петро Порошенко, Ангела Меркел и Франсоа Оланд ќе започне околу 18 часот по локално време, а ќе биде одржан зад затворени врати, соопшти белоруското Министерство за надворешни работи.
Претходно, односно во вторник вечер, претставници на четирите држави кои ја сочинуваат контакт групата за Украина на состанок во Минск изработија шема за повлекување на тешкото вооружување и договорија режим за прекин на огнот и механизми на контрола на кои треба да се придржуваат, пренесе „Итар Тасс“.
Контакт групата за Украина исто така расправала и за формирање на влада во регионот на Донбас и одржување на локални избори, велат извори за руската агенцијата.
Е. Г.