Четири бродови на кинеската влада впловија во територијалните води околу спорните острови во Источното кинеско море, кои ги контролира Токио.
Заменик шефот на јапонската дипломатија Чикао Каваи „упати остар протест до кинеската амбасада поради упадот на бродови од Кина во јапонски територијални води и се зачестените движења од тој тип“, соопшти министерството за надворешни работи на Јапонија.
Каваи рече дека се почестите провокации ќе ја загрозат комуникацијата на двете земји чија цел е смирување на ситуацијата поради спорните острови.
Кинескиот амбасадор Ченг Јонгхуа го повтори ставот на Пекинг, дека тоа прашање ќе настојуваат да се реши со дијалог.
Спорот околу овие острови негативно се одразува на трговските односи на девет водечки економски сили во регионот.