Седум кинески воени бродови се забележани кај островите на југот на Јапонија.
Пилот на еден јапонски авион забележал седум кинески воени бродови во водите, 49 километри југоисточно од островот Јонагуни, изјавил за Франс прес анонимен претставник на министерството.
„Се движеа од север, од Тихиот океан во правец на Источното кинеско море“.
Кина и Јапонија се во дипломатски судир поради суверенитетот над ненаселените острови.
Напнатоста помеѓу двете земји порасна на почетокот на септември кога јапонската влада одлучи да национализира неколку острови кои до тогаш припаѓаа на приватен јапонски сопственик.
Кинеските патролни бродови од тогаш, во повеќе наврати навлегоа во водите на тие острови, односно на 22 километри од нивните брегови.