Кинеските патролни бродови се соочија со јапонските во близина на спорните острови во Источното кинеско море.
Кинеската државната администрација за океани, објави дека четири бродови од Кинескиот морски надзор, навлегле во водите во близина на спорните острови, во 10 часот по локално време и „презеле чекори за протерување”, на бродовите од јапонската крајбрежна стража.
Претставникот на јапонската крајбрежна стража, Јуџи Кито изјави дека кинеските бродови влегле во јапонските територијални води и дека тие биле пресретнати од нивните бродови.
Тој рече дека бродовите на двете земји си сигнализирале едни на други, дека се во нивните територијални води и барале од другата страна да ја напуштат водата, пренесуваат агенциите.
Во последните неколку денови кинески бродови постојано патролираат во таа област, а Јапонија ги искористи дипломатските канали по една таква патрола и упати остар протест.