Британскиот премиер Дејвид Камерон изјави синоќа дека НАТО мора да се преиспита со цел да биде способен подобро да ги брани своите членки од потенцијална воена закана од Русија.
Тој истакна дека северноатлантскиот воен сојуз, предводен од САД, мора да подразмисли за своите односи со Москва поради украинската криза.
Британскиот премиер, кој во септември ќе биде домаќин на Самитот на НАТО во Велс, изјави дека ќе го искористи тој собир за од 28-те членки да побара да се преиспитаат односите со Русија на подолги патеки, со оглед на фактот дека Москва го доживува НАТО како противник.
Инаку, НАТО ги зајакна вежбите во источна Европа откако Русија во март го анектираше Крим и тројно го зголеми бројот на борбени авиони, стационирани во регионот на Балтикот.