Претседателот на Европската комисија Жан Клод Јункер го прекина одморот и итно ќе биде опериран, соопшти Европската комисија.
Јункер мораше да го скрати одморот во Австрија од медицински причини, стои во соопштението на комисијата.
Тој е префрлен во Луксембург каде што итно ќе биде подложен на холецистектомија, хируршко отстранување на жолчната ќеса, извести Брисел.
Поранешниот премиер на Луксембург, Жан Клод Јункер на чело на Европската комисија е од 2014, а мандатот му истекува на крајот на октомври.