Моќната бура Сиаран ги погоди северозападна Франција и југозападна Англија пред да се прошири во Холандија, Белгија, Германија, Франција и Италија, при што загинаа најмалку седум лица, а неколку се повредени, соопштија денеска локалните власти.
Сиаран предизвика еден смртен случај во Холандија кога дрво падна врз лице во југоисточниот град Венреј во близина на границата со Германија, соопшти вчера полицијата.
Паѓањето дрвја повреди луѓе на неколку други локации, вклучително и една жена во Хаг, соопшти полицијата.
Во Франција две лица загинаа, а 15 се повредени, меѓу кои седум пожарникари, изјави министерот за внатрешни работи Жералд Дарманин. Возач на камион загинал кога удрил во паднато дрво. Во Авр, еден човек бил фатен од налет на ветер додека ги затворал ролетните на прозорецот и починал.
Околу 1,2 милиони домаќинства останаа без струја, а стотици илјади се исклучени од мрежата на мобилни телефони. Во некои региони ветерот достигна брзина и до 200 километри на час. Соборените дрвја ги блокираа патиштата и железничките пруги. Причинета е значителна материјална штета.
Blauer Himmel aber wildes Wasser#Helgoland pic.twitter.com/NsBm4BYtwS
— Rainer Battefeld (@RainerBattefeld) November 2, 2023
Поради невремето откажани се стотици летови. Возовите до и од Париз, исто така, не сообраќаа.
Силни ветрови дувале и низ регионот на планината Харц во централна Германија во четвртокот, убивајќи една жена откако ја удрило дрво што паднало, соопштија пожарникарите во градот Гослар. 46-годишна жена од Баварија планинарела со сопругот и двете мали деца на 600 метри високата планина Рамелсберг кај Гослар кога починала.
Невремето, исто така, урна далноводи и делумно затвори два автопати во планината Харц, соопштија пожарникарите.
Во централната италијанска област Тоскана, најмалку три лица го загубија животот поради временските предупредувања во голем дел од земјата. Претседателот на Тоскана, Еугенио Џани изјави дека две лица загинале во општина Монтемурло, околу 25 километри северозападно од Фиренца, каде што се излеа реката. Трето лице загина во Росињано на брегот на Тоскана.
⚡🇮🇹 #Italy – More Videos of major Flooding in North Italy.#Toscana #Tuscany #Pisa #WeatherAlert #StormCiaran pic.twitter.com/TyMMjdbwK9
— X News Monitor (@xNewsMonitor) November 3, 2023
Во Росињан, еден човек загина кога водата влегла во домот за стари лица и го поплавила објектот. Спасени се 22 станари од домот, но до повозрасниот маж помошта стигнала предоцна. Градоначалникот на Росињано, Даниеле Донати изјави дека се уште не е јасно дали старецот починал како последица од поплава или од природни причини, пишува La Nazione.
„Никогаш не сме забележале толкав дожд за само неколку минути“, рече Џани на платформата на социјалните мрежи X, порано Твитер, денеска наутро.
Дожд и силен ветер се предвидува да се движат кон јужните региони на Италија, објави агенцијата за цивилна заштита на земјата.
Исто така во четвртокот, Сиаран од Атлантикот ги погоди Британија, Белгија и Холандија и стотици летови беа откажани.
Голем дел од северниот германски брег беше под предупредување за невреме во четвртокот пред очекуваното пристигнување на Сиаран, според Германската метеоролошка служба (DWD).
Maltempo in Toscana, trovato morto un 85enne nella sua casa allagata a Montemurlo (Prato). La situazione è critica soprattutto in provincia di Prato. Il governatore Giani dichiara lo stato di emergenza regionale. #IoSeguoTgr pic.twitter.com/VGPRehR4Ko
— Tgr Rai Toscana (@TgrRaiToscana) November 2, 2023
Сиаран се пресели од Ла Манш во Северното Море. Бурата особено ги загрозува крајбрежната област на Северното Море на Источна Фризија и северноморскиот остров Хелиголанд, според DWD.
На Балтичкото Море се очекува во повеќето делови да продолжи силниот ветер, но посилни налети се предвидуваат од Фленсбург до Фемарн и островот Риген.
Storm Ciaran!
EasyJet goes around after touching down during heavy winds.#StormCiaran pic.twitter.com/pZOHsFvSjT
— Airliners Live (@airlinerslive) November 2, 2023
Ветровите се очекува да се смират кон викендот, но ќе се задржи невреме и дожд.