EУ стравува од терористички напади, најголемата закана се напаѓачите „волци“

Од:

Европските безбедносни претставници предупредуваат на зголемен ризик од напади од страна на радикализираните исламисти по избувнувањето на војната во Појасот Газа и посочуваат дека најголемата закана претставуваат напаѓачите „волци“ кои тешко се следат.

Повеќе од 10 претставници на разузнавањето и полицијата во пет европски земји, вклучително и Велика Британија, Германија и Франција, изјавија за Ројтерс дека го засилуваат надзорот над исламистичките милитанти.

Според агенцијата, тоа дополнително ќе ги оптоварува ресурсите кои се веќе оптоварени со справување со заканите од Русија, Кина и Иран.

Неименуван британски безбедносен претставник изјави дека војната во Газа најверојатно ќе стане најголемото место за регрутирање на исламистичките милитанти од војната во Ирак во 2003 година.

Германски претставник вели дека колегите од разузнавачката заедница го информирале дека заканата за цивилите е најголема во поновата историја на Германија, а Јохен Копелке, кој го предводи најголемиот германски полициски синдикат, вели дека најголемата опасност доаѓа од „саморадикализираните“ милитанти.

„Прашање на време е кога овие луѓе ќе извршат злосторства. Не секогаш се работи за тоа дека имаат бомби. Тие можат да возат на митинг или да нападнат со нож“, рече Копелке.

Три лица беа убиени во два напади на исламистички милитанти во Франција и Белгија минатиот месец, а овие две земји, заедно со Австрија, Словенија и Босна и Херцеговина, го подигнаа нивото на тревога за тероризам.

Би можело да ве интересира

Според Индексот на човечки развој Југоисточниот регион на земјава најнеразвиен во цела Европа

ЕУ за А1он: Измените на Законот за игри на среќа не упатуваат ниту на ограниченото европското законодавство

Александар Тодески

Ковачевски: Од заробена држава денес сме земја членка на НАТО со отпочнати преговори со ЕУ

А1он

Франција бара од Приштина веднаш да ја прекине одлуката за забрана на динарот

Прва победа на земјоделците, ЕУ попушти пред нивните барања

Горан Наумовски

ЕУ подготвува казна за Унгарија