Јапонската крајбрежна стража го уапси капетанот и членовите на екипажот на еден кинески рибарски брод, кој влегол во територијалните води на Јапонија, објави кинеската новинска агенција Синхуа, повикувајќи се на конзулатот во градот Фукуока.
Агенцијата наведува дека капетанот на бродот, кој е регистриран во кинеската провинција Фуѓијан, и двајца членови на екипажот биле префрлени во градот Кагошима на југот на Јапонија на сослушување.
Според извештаите, капетанот признал дека бродот влегол јапонските води. Портпаролот на јапонската амбасада во Пекинг не беше достапен за коментар.
Кинеските рибарски бродови одат далеку во водата, источно од Кина за да го надокнадат недостатокот на рибниот фонд во близина на нивниот брег.