Јапонија планира да распореди на јужниот остров Ио нова база за електронското разузнавање, што ќе пресретнува сигнали и разговори на кинеската военопоморска флота и авијација.
Според јапонското Министерство за одбрана, проектот треба да биде завршен во 2017 година. Разработувањето и изградбата на базата ќе чини 12 милијарди јени (околу 122 милиони долари).
Целта на базата е да се зголеми безбедноста во јапонските територијални води и воздушниот простор над Источното Кинеско Море, што е актуелно прашање, имајќи ги предвид затегнатите односи меѓу Токио и Пекинг заради островите Сенкаку.