Италијанскиот новинар Андреа Рокели бил убиен вчера во минофрлачки напад во близина на украинскиот град Славјанск, бастион на проруските сепаратисти, соопшти италијанското МНР.
– За жал сите податоци со кои располагаме, покажуваат дека тој починал. Очекуваме само втора потврда, препознавање на телото, изјави портпарол на Министерството.
Повикувајќи се на повредениот француски фоторепортер Вилијам Рогелон, дел од западните медиуми објавија синоќа дека ранети во нападот биле и италијански репортер и еден преведувач. Се уште не се знае дали се живи.
Според Рогелон, тројцата пристигнале на линијата на фронтот јужно од Славјанск и сакале да излезат од возилото, кога западнале под минофрлачки напад.