Организацијата Исламска држава вчера објави фотографии од убиство на 13 лица во близина на северниот ирачки град Тикрит.
На три фотографии, кои што се поставени на џихадистичките форуми и социјалните мрежи кои се наколонети на ИСИС, се гледа убиство на тринаесет лица, кои на себе имаат портокалови униформи, пренесе „Франс прес“.
Француската агенција повикувајќи се на информации од локалното население информира дека егзекуцијата се случила околу 15:30 часот по локално време на обиколница на шест километри источно од Тикрит.
Според наводите жртвите се припадници на сунитските племенски борци, познати како Витези на Ал Алама, кои џихадистите ги заробиле во Тикрит и Ал Алама пред десетина дена.
Инаку градот Тикрит е под контрола на ИСИС уште од почеток на големата офанзива на џихадистите во Ирак пред шест месеци.
Е. Г.