Турските власти денеска уапсија 34 лица осомничени дека се поврзани со Исламската држава, како дел од големата операција против оваа милитантна група, изјави турскиот министер за внатрешни работи Али Јерликаја на платформата Икс (Твитер).
– Сите осомничени се фатени во акцијата „Кафез 35“ и сите се странски државјани по кои Интерпол трага, додаде Јерликаја.
Тој исто така рече дека полицијата запленила неколку пиштоли без дозвола, пренесе Ројтерс.
Турските власти ги засилија операциите против Исламска држава откако двајца вооружени лица на ИСИС минатата недела убија едно лице во црква во Истанбул за време на неделна богослужба.
– Полицијата уапси 25 осомничени, вклучително и двајцата напаѓачи, кои се доведени во врска со пукањето, изјави во петокот министерот за правда Џилман Тунч.