Ирак продолжува да го поддржува дијалогот меѓу Саудиска Арабија и Иран

Од:

Вршителот на должност премиер на Ирак Мустафа Ал Кадими рече дека неговата земја ќе продолжи да помага во дијалогот и приближувањето на позициите на Саудиска Арабија и Иран.

– Ирак придонесе за саудиско-иранското зближување и неколкуте разговори што се одржаа беа успешни и плодни, имаше големо приближување на позициите, рече Aл Кадими.

Од сите арапски земји, Ирак има најсилни врски со Иран.

Aл Кадими денеска на регионалниот самит во саудиското пристаниште Џеда изјави дека Ирак ќе работи на повеќе прашања поврзани со регионалниот мир и безбедност, како и економската соработка на земјите од Блискиот Исток.

Меѓу предлозите на Ирак е и формирање на Банка за развој на Блискиот Исток.

Ал Кадими на маргините на самитот се сретна со американскиот претседател Џозеф Бајден. Ал Кадими рече дека Ирак и САД имаат „стратешки и пријателски односи“ и му се заблагодари на американскиот претседател за помошта во борбата против терористичките групи.

Извор: МИА

Би можело да ве интересира

Иран се закани со трет бран ракетни напади врз Израел во „соодветно време“

Горан Наумовски

Зеленски ја одложи посетата на Саудиска Арабија

Иран: Подготвени сме да ја браниме нашата нуклеарна програма

Американците патуваат во Саудиска Арабија на преговори со Русите, Украина не е поканета

Израел се подготвува да го нападне Иран

Иран со јасна порака до Трамп: Нема преговори