Врховниот лидер на Иран, ајатолахот Али Хамнеи, денеска изјави дека САД ќе се соочат со силен одговор доколку дејствуваат по заканите на претседателот Доналд Трамп дека ќе нареди бомбардирање на Иран доколку земјата не постигне нов нуклеарен договор со Вашингтон, објавија денеска иранските медиуми.
Претседателот на САД во неделата му се закани на Иран со бомбардирање и дополнителни царини доколку Техеран не се согласи на договор со Вашингтон за неговата нуклеарна програма.
Трамп рече дека американските и иранските претставници разговараат за ова прашање, но не даде повеќе детали.