Новите сателитски снимки го потврдуваат присуството на стелт-бомбардерите на американските воздухопловни сили Б-2 „Спирит“ на островот Диего Гарсија во Индискиот Океан.
Според комерцијалните снимки од Planet Labs споделени од Indo Pacific Watch Center, три бомбардери Б-2 се јасно видливи на пистата на островот Диего Гарсија.
Diego Garcia, March 25 2025. 3 (or possibly 7) B-2 Bombers & 9 KC-135. Hardened shelters are essential for the security of US MIL assets. Strategic power display can work to deter enemies, but we must have adequate shelters, especially hardened shelters at Diego, Kadena,… pic.twitter.com/TccJxVXq2r
— IPWC (@IndoPacWatch) March 26, 2025
На снимката се гледаат и најмалку седум авиони за полнење гориво КЦ-135 „Стратотанкер“. Групирањето на толку значајна група стратешки авиони на островот Диего Гарсија укажува на можноста за поширока воздушна кампања во регионот.
Базата Диего Гарсија се користеше како центар за стратешки бомбардери за време на сите операции и војни на Блискиот Исток. Исто така, според достапните информации, оваа база може да има четири дополнителни бомбардери сместени во заштитени засолништа за авиони во базата.
Од Министерството за одбрана на САД нема потврда за стратешката авијациска групација.