Интерпол утре ќе избира претседател, двајца кандидати, едниот е обвинет за тортура

Од:

Светската полициска агенција Интерпол утре во Истанбул треба да избере нов претседател, а групите за заштита на човековите права предупредуваат дека на функцијата би можел да се најде генерал обвинет за „тортура“.

Генералот Ахмед Насер ел Раиси, генерален инспектор во Министерството за внатрешни работи на Обединетите Арапски Емирати (ОАЕ), се кандидираше да биде избран за претседател на Интерпол со четиригодишен мандат.

Тој од минатата година води кампања за претседател, а пред него има само еден кандидат, Шарка Хавранкова од Чешка.

Ел Раиси, кој веќе е член на извршниот комитет на Интерпол, во саботата објави дека приоритет на ОАЕ е заштитата на човековите права во земјата и во странство.

Меѓутоа, неодамнешниот извештај на групата МЕНА ги опишува рутинските прекршувања на човековите права во безбедносниот систем на ОАЕ, каде адвокати, новинари и активисти биле насилно исчезнати, мачени, арбитрарно притворени и заплашувани бидејќи мирно бараат основни слободи и права.

Неколку тужби за „тортура“ против Ел Раиси се поднесени во изминатите месеци во Франција, каде што се наоѓа седиштето на Интерпол, и во Турција, земјата домаќин на Генералното собрание.

Би можело да ве интересира

Албански државјанин уапсен во Македонија, го барал Интерпол Париз

Интерпол активираше жолта потерница за Данка Илиќ

Катерина Ѓуровски

МВР уапси бегалец баран од Интерпол

Косовец уапсен во Македонија: Интерпол го барал за убиство во Еквадор

(ВИДЕО) Палевски бил уапсен додека се движел пешки по автопат, а најмил такси за да лажира дека оди за Истанбул

Орце Костов

(ВИДЕО) Не се чекаат 48 часа за потрага: Како тече постапката за пријавување исчезнати малолетници во Македонија?

Александар Тодески