Две лица починаа и неколку десетини се водат како исчезнати по потонување на брод со околу 50 патника, кој пловел низ водите на реката Махакам во централна Индонезија.
Според официјалните лица, 11 патници се спасени, откако бродот потона во реката Махакам во источен Калимантан, но се пронајдени тела на две жени, пренесе „Франс прес“.
Спасувањето оди отежнато поради силниот ветар и водените струи.
Бродовите се единственото транспортно средство во Индонезија, најголемиот архипелаг на светот, поради што често се пренатрупани и се во лоша состојба.
Елена Георгиевска