Индија се почесто се користи како транзитна точказа префрлување џихадисти во Сирија, изјави денеска началникот на полицијата во Мумбај, главен град на сојузната држава Махараштра.
Според него преку Индија во Сирија се префрлуваат борци од околните земји, кои се врбувани од Исламска држава.
Една од тие земји се Малдивите, кои според него се претвораат во расадник на екстремизмот.
Според индиските специјални служби малдивските млади луѓе изминатите години се објект на масовна радикализација и веќе претставуват опасност за Индија. Над 150 веќе се вклучиле во силите на ИД во Ирак и Сирија, а некои почнале да агитираат и во други земји, меѓу кои Индија.
Индиската полиција има сознанија дека меѓународните аеродроми во Мумбај и во западниот град Бангалор се користат за префрлање за пополнување на силите на ИД во Сирија и Ирак.