Меѓународната организација за цивилна авијација (ИКАО – ICAO) ќе ја разгледа молбата на Катар да ги анализира ограничувањата врз летови воведени од соседни држави како дел од дипломатски спор во регионот.
Саудиска Арабија, Египет, ОАЕ и Бахреин ги прекинаа дипломатските односи и воведоа санкции за Катар со обвинување за помагање на тероризам. Тие ги прекинаа и поморските и авионски врски во Катар.
ИКАО наведува дека ќе биде домаќин на разговори со министри и високи претставници од Катар, ОАЕ, Саудиска Арабија, Бахреин и Египет денеска за да се изнајде решение „засновано на консензус“.
Канцелариите на Катар ервејз во Саудиска Арабија и во ОАЕ се затворени, а лиценцата на компанијата е одземена. На 14 јуни саудиските власти појаснија дека ембаргото ги засега сите катарски авиокомпании и авиони регистрирани во државата.