Во судир на два брода кај Хонг Конг, повредени се 31 лице, соопшти локалната полиција.
Според официјално лице од полицијата, повредените се префрлени на брегот, а 11 од нив се хоспитализирани во болница.
Ферибродот пловел кон островот Чеунг Чау, и пристигнал до својата дестинација, наведува полицијата која не даде податоци за другиот пловен објект, за кој се претпоставува дека е баржа.
Во октомври минатата година, во најголемата бродска несреќа во Хонг Конг во последните 40 години загинаа 38 лица, а поголем број беа повредени при судир на фериброд и јахта, што го наметна прашањето за безбедноста во една од најпрометните, но и најбезбедните пристаништа во светот.
Елена Георгиевска