Врховниот ирански лидер, ајатолах Али Хамнеи, ги обвини САД дека користат „пари и сексуална привлечност“ за да се обидат да се инфилтрираат во Исламска Република, предупредувајќи ги Иранците да не потпаѓаат во „непријателската замка“.
Хамнеи на припадниците на иранската Револуционерна гарда им пренесе ова предупредување да го сфатат сериозно, а на политичките субјекти во земјата оваа тема да не ја користат за меѓусебни несогласувања.
– Непријателот воспоставува мрежа внатре во нацијата и во земјата, главно со помош на две средства – пари и сексуална привлечност, за да ги промени идеалите, верувањата и со самото тоа стилот на живот“ на Иранците, напиша Хамнеи во пораката на својата Интернет страница.